Aks aur Haqeeqat

Insaan apnay aap ko bohat kuch samjhta hai. Waqt ke saath saath, shayad ussay yeh¬†ghalat fehmi honay lagti hai ke uss se bartar aur aala shay kabhi thee, aur na kabhi ho gi. Insaan ki haqeeqat tau yeh hai, k uss ne kabhi apnay aap ko bhee nahin dekha. Bus ek aks hai…jis ke peechay wo bhaagta rehta¬†hai, bhaagta rehta hai. Aur iss hee asna mai wo apnay aap se bohat door pohanch jata hai, Ek aisay dorahay pe pohanch jata hai, jis k aagay bhi andhera hota hai, aur peechay janay ka koi rasta maujood hee nahi hota. Insaan ek aks ke peechay apni haqeeqat se door hojata hai; aur yahi uss ka zawal hai.